Գործադիր ղեկավարություն
«Արֆինի» գործադիր ղեկավարությունը կենտրոնական դեր է խաղում ընկերության կորպորատիվ կառավարման մոտեցումների ձևավորման և առաջխաղացման հարցում։ Ընկերության կանոնադրությանը համաձայն՝ գործադիր տնօրենից, գործադիր տնօրենի տեղակալից, տնօրենների խորհրդի նախագահից և խորհրդի հինգ անդամներից կազմված այս դինամիկ թիմն առանցքային է ընկերության ռազմավարական ուղղության պահպանման և գործառնական արդյունավետության համար։
Գործադիր տնօրենը ծառայում է որպես ընկերության առաջնային ներկայացուցիչ։ Նա վերահսկում է խորհրդի որոշումների կատարումը, կազմակերպում է աշխատանքի ընթացքը և պատասխանատու է աշխատակիցների նշանակումների և աշխատանքից ազատումների համար։Այսպիսով, նա վերահսկում է ընկերության ընդհանուր գործունեության իրականացումն ու կառավարումը։
Տնօրենների խորհուրդը, գործադիր տնօրենի հետ համատեղ, զգալի դեր ունի ընկերության կառավարման մոտեցումների ձևավորման և կիրառման գործընթացում։Այն պատասխանատու է որոշումների մշակման, դրանց մանրակրկիտ իրականացման, ներքին աուդիտների և արտաքին ստուգումների արդյունքում տրամադրված հաշվետվությունների վերանայման համար։Դրանցից ստացված տեղեկատվության հիման վրա խորհուրդը կայացնում է մի շարք որոշումներ՝ միևնույն ժամանակ առաջնորդվելով թափանցիկության և հաշվետվողականության արժեքներով։
«Արֆինի» գործադիր ղեկավարությունը, գործադիր տնօրենի և տնօրենների խորհրդի հավաքական ջանքերի շնորհիվ, հանդիսանում է մեր ընկերության կորպորատիվ կառավարման հիմնաքարը՝ ուղղորդելով ընկերությունը դեպի կայունություն և պատասխանատու բիզնես գործունեություն։
Անհատներ
Բիզնես
Ֆերմերներ
