Տնօրենների խորհուրդ

Տիգրան Դոխոլյանն «Արֆին» ՈՒՎԿ-ի տնօրենների խորհրդի նախագահն է։ Վերջին յոթ տարիների ընթացքում նա եղել է Credit Consult-ի կառավարիչ գործընկերը, որտեղ 2009-ից 2011 թվականներին աշխատել է նաև որպես Կենտրոնական Ասիայի ավագ խորհրդատու/ծրագրի ղեկավար։ 

 

2013 թվականին պարոն Դոխոլյանն առանցքային պաշտոններ է զբաղեցրել «Յունիբանկում» այդ թվում՝ կորպորատիվ բիզնեսի զարգացման և վաճառքի տնօրենի պաշտոնները։Նրա լայնածավալ փորձառությունը ներառում է նաև թրեյների և խորհրդատուի աշխատանք «Միկրոֆինանսավորման» կենտրոնում և վերապատրաստման մենեջերի պաշտոնը FINCA Հայաստանում 2008-2012 թվականներին։

Պետրոս Ադամյանը «Արֆինի» տնօրենների խորհրդի անդամ է 2023 թվականից։Նա «Աթենք» ՍՊԸ-ի համասեփականատերն է և տնօրենների խորհրդի նախագահը՝ ղեկավարելով երկու խոշոր գործարաններ և բազմաթիվ բրենդային խանութներ Հայաստանում և Վրաստանում։ Բացի այդ, պարոն Ադամյանը «Ադամիում» ՍՊԸ ներմուծող և մատակարարող ընկերության համահիմնադիրն է։ Նա իր գործունեության ընթացքում նախաձեռնել և իրականացրել է մի շարք նշանակավոր բիզնես նախագծեր։

Արտակ Մելիքսեթյանը 2023 թվականին միացել է «Արֆինի» տնօրենների խորհրդին։ Ներկայումս աշխատելով Volo-ում որպես ֆինանսական տնօրեն: Նախկինում ղեկավարել է Կորպորատիվ  և ՄՓՄՁ բիզնեսի զարգացման ուղղությունը  - տարբեր ֆինանսական հաստատություններում՝ այդ թվում «Արդշինբանկ» ՓԲԸ , «Բիբլոս Բանկ Արմենիայում», «ՎՏԲ» բանկում և «ՊրոԿրեդիտ» բանկերում։  Որպես բանկային խոհրդատու Պարոն Մելիքսեթյանը աշխատել է IPC խորհրդատվական ընկերությունում և Հայ-Գերմանական Հիմնադրամի  ծրագրի շրջանակներում սերտորեն համագործակցել է նաև մասնավոր հատվածի հաճախորդների հետ։

 

Նրա ավելի վաղ կարիերան ներառում է հանրային հատվածի փորձ որպես առաջատար մասնագետ Էկոնոմիկայի նախարարության արժեթղթերի շուկայի  տեսչությունում։

Կարինե Սարգսյանը «Արֆինի» տնօրենների խորհրդի անդամ է 2023 թվականից։ Նա ԶԻՆԱՊԱՀ- Զինծառայողների ապահովագրության ազգային հիմնադրամի գործադիր տնօրենն է։

 

2019-2022 թվականներին նա ղեկավարել է Հայաստանի ամերիկյան բիզնես պալատը (Amcham)։ Նրա կարիերան ներառում է բազմաթիվ բարձրաստիճան պաշտոններ այնպիսի ընկերություններում, ինչպիսիք են Coca-Cola Company և Johnson & Johnson ընկերությունները՝ զբաղեցնելով Հայաստանի և Վրաստանի մենեջերի պաշտոնը։ 

 

Մինչ այս տիկին Սարգսյանն աշխատել է ՄԱԿ-ի Պարենի համաշխարհային ծրագրի և Միացյալ մեթոդիստների օգնության կոմիտեի (UMCOR) հետ։Նա նաև եղել է Հայաստանի ֆիլհարմոնիկ նվագախմբի մարքեթինգի տնօրենը։

 

Տիկին Սարգսյանը 1993 թվականին ստացել է Հայաստանի ամերիկյան համալսարանի MBA աստիճան և ուսումը շարունակել Հյուսիս-արևմտյան համալսարանի «Քելլոգի» բիզնես դպրոցում՝ստանալով կառավարման մագիստրոսի կոչում։

 

Ռուբեն Մելիքյանը «Արֆինի» տնօրենների խորհրդի անդամ է 2023 թվականից։Նա ունի ավելի քան 22 տարվա փորձառություն մանրածախ վաճառքների, ֆինանսների, ֆինտեխ և բանկային ոլորտում։

Պարոն Մելիքյանն իր կարիերան սկսել է Գերմանիայում։ Որպես C- մակարդակի փորձառու մասնագետ՝ նա ղեկավարել է տարբեր բարձրաստիճան ստորաբաժանումներ։

2008 թվականից մինչև 2010-ը նա եղել է FINCA International-ի ներքին վերահսկողության բաժնի ղեկավարը։ 2010-ից նա զբաղեցրել է տարբեր առանցքային պաշտոններ, ինչպիսիք են «ՍԱՍ Գրուպ Արմենիայի» փոխնախագահ և ֆինանսական տնօրեն, ինչպես նաև IDBank-ի գործադիր տնօրեն և ֆինանսական տնօրենի տեղակալ։ Շարունակաբար ընդլայնելով իր փորձը, նա ներկայումս աշխատում է որպես Rumels Management Solutions ընկերության խորհրդի նախագահ։

 

Բացի այդ, ունենալով Բեռլինի տեխնիկական համալսարանի մագիստրոսի կոչում և Օքսֆորդի գործադիր MBA, պարոն Մելիքյանը հանդիսանում է FCCA մակարդակի ACCA-ի անդամ։Նա նաև ICC Banking Solution-ի անդամ է և Հայաստանի ամերիկյան համալսարանի դասախոս։

 

Մարինա Ղուշչյանը միացել է «Արֆինին» որպես տնօրենների խորհրդի անդամ 2023 թվականին՝ նպաստելով իր մասնագիտական նշանակալի փորձառությամբ։ 2003-2005 թվականներին նա աշխատել է Ernst & Young LLP-ում որպես մենեջեր՝ վերահսկելով այնպիսի ընկերություններ, որոնք  ներառված են Fortune 500-ում։ 2005 թվականին, ընդլայնելով իր փորձը միջազգային շուկայում,նա դարձավ Կալիֆորնիայի Safeway Inc. ընկերության կորպորատիվ ներքին աուդիտի ավագ մենեջեր։

 

Ձեռք բերելով ավելի քան տասը տարվա արժեքավոր փորձ այնտեղ՝ նա 2015 թվականին միացավ Arc Document Solutions-ին որպես ներքին աուդիտի տնօրեն և մինչ օրս շարունակում է զբաղեցնել այս պաշտոնը։ Տիկին Ղուշչյանը հաշվապահության և ֆինանսների մագիստրոսի կոչում է ստացել Հայաստանի ամերիկյան համալսարանից։ Նա նաև հանդիսանում է CPA և CIA հավաստագրված մասնագետ։